مش دايمًا الحلول القوية هي الأفضل… أوقات اللمسات البسيطة بتعمل فرق حقيقي. الميزوثيرابي من العلاجات اللي بتعتمد على الفكرة دي: تغذية البشرة من جوه، بمكونات زي الفيتامينات و مضادات الأكسدة، علشان ترجع لبشرتك حيويتها، من غير وقت استشفاء طويل.
إيه هو الميزوثيرابي؟
الميزوثيرابي هو علاج تجميلي بيُحقن فيه كوكتيل من الفيتامينات، المعادن، الأحماض الأمينية، وأحيانًا حمض الهيالورونيك، تحت الجلد مباشرة. الهدف؟ تغذية البشرة، تحفيز الدورة الدموية، وتشجيع الخلايا على التجدد الطبيعي.
مميزاته:
بيحسّن ملمس البشرة ويوحّد لونها
بيقلل علامات الإجهاد والتصبغات
مناسب للوجه، الرقبة، فروة الرأس وحتى تحت العين
آمن جدًا والدوان تايم شبه منعدم (تستمر لمدة تتراوح بين بضع ساعات ويومين)
بيناسب كل أنواع البشرة، خاصة في التغيرات الموسمية
ليه ممكن يكون مناسب ليكي؟
لو بتحسي إن بشرتك تعبانة من الشغل، الميكب، أو التغيرات المناخية، الميزوثيرابي بيكون حل مثالي ينور بشرتك. بس هو علاج يعني تأثيره بيبان مع التكرار، وبيكون طبيعي ومريح.
الخلاصة الميزوثيرابي غذاء للبشرة و في نفس الوقت بيخلي بشرك مرتاحة، متوازنة. لما تبقي حابة تهتمي ببشرتك بدون مبالغة، هو ده الاختيار اللي هيعكس شخصيتك: هادية، أنيقة، وبتحب التفاصيل.