كثير من الناس بيقلقوا من جلسات الليزر في الصيف خوفًا من التعرض للحروق أو التصبغات، خصوصًا بعد التان. علشان كده سألنا عدد من الأطباء المتخصصين وجمعنا أهم المعلومات والنصائح اللي تضمنلك جلسة ليزر آمنة وفعالة، حتى في فصل الصيف.
كل الأطباء أجمعوا على نقطة مهمة جدًا:
أياً كان نوع الجهاز المستخدم، لازم يكون نوع الليزر 1064nm ND:YAG، وده النوع الآمن والأكتر مناسبة للبشرة اللي اتعرضت للشمس. النوع ده من الليزر بيستخدم في أجهزة مشهورة زي DEKA وCandela، واللي متوفرين في عيادات چميلة.
وكمان جمعنالك 7 نصائح أساسية علشان تتجنبي أي حروق أو مضاعفات أثناء الصيف:
7 نصائح لتجنب حروق الليزر في الصيف:
لو عملتي تان، لازم تستني أسبوعين قبل جلسة الليزر.
ونفس الشيء، لو عملتي ليزر، استني أسبوعين قبل ما تعملي تان. ده مهم جدًا لحماية بشرتك.لو طلعتي مصيف و أنتي عاملة ليزر، استني 48 ساعة قبل ما تنزلي البحر أو البسين.
أنا عارفة انك طالعة المصيف عشان تنزلي البحر و عارفة قد ايه الموضوع مغري بس لازم تكوني عارفة أن بشرتك بتكون حساسة بعد جلسة الليزر فمهم جداً تحمي بشرتك كويس أول يومين.الصن بلوك لازم يبقى أساسي معاكِ حتى لو خارجة مشوار صغير.
التعرض للشمس بدون حماية ممكن يعرضك لحروق أو تصبغات.تجنبي جلسات الليزر في المناطق المكشوفة للشمس زي الوجه والرقبة.
لأن التعرض للشمس بعد الليزر في المناطق دي ممكن يسبب تصبغات أو التهابات.أفضل مناطق تعملي ليها ليزر في الصيف؟
تحت الإبط ومنطقة البكيني، لأنهم غالبًا مش معرضين للشمس.تجنبي تمامًا منتجات التسمير زي السبراي تان أو اللوشنات الخاصة بالتان.
المواد الكيميائية اللي فيها ممكن تتفاعل مع الليزر وتسبب مشاكل للبشرة.وأخيرًا خليكي دايمًا صريحة مع طبيبك.
حتى لو خايفة تفوتي جلسة، مهم جدًا تقولي للطبيب إنك عاملة تان أو راجعة من المصيف. هو هيعرف ينظم الجلسات بالطريقة اللي تحافظ على بشرتك وتحميها.
العناية ببشرتك في الصيف مش معناها تتنازلي عن راحتك أو تبعدي عن جلسات الليزر، لكن معناها تبقي أذكى في اختياراتك. بالخطوات الصح والمكان الصح، هتقدري تحافظي على بشرتك وتحصلي علي أفضل النتايج من غير أي قلق. و لو بتدوري علي عيادة موثوقة تقدري تحجزي جلستك في عيادات چميلة.